سكراباتي المفضله ,,

 

مرحبا عزيزاتي الحلوات ,, اليوم قررت اسويلكم رفيو عن اكثر منتج احبه هو هذا السكراب اللي فالصورة اسمه بايو تحصلونه فالجمعيات , استخدمته كله تقريبا حبيباته متوسطة , استخدمه يوميا الصبح بعده احط التونر من اسكينول بالخيار لانه بشرتي مختلطة مايله للجافه ,, عجيييب ينظف من قلب و يسكر المسام و يصغره حيل حيل و ما ينشف ابدا ابدا , مكتوب عليه انه مناسب للجسم ايضا بس ما جربته للامانه اكيد برجع استخدمه اصلا مستحيل استغنى عنه و اتمنى منكم تجربونه لان جد جد بتدعوون لي ..

 

و هذا سكراب او مقشر مثل ما هو مكتوب جربته وحده اعرفها شخصيا و كانت تعاني من حبوب كثيره و بشرتها دهنيه جدا ,, و الله يا بنات انها عقب ما استخدمته الحبوب كله نتشفت و راح و بقت اثارها الخفيفه ممتاز ممتاز اللي بشرتها دهنيه و تعاني من حبوب وااايد تستخدمه بدون تردد استخدموه اول شي مرتين او ثلاث فالاسبوع و عقب تدريجيا خلوه يوميا الا اذا نشف ويهكم حيل خلوه يوم هي و يوم لا جربوه ما بتندمون ..

 

 

و هذا كريمي المفضل كريم كاب بتحصلونه فالصيدلليات او عند العطار ,, عجيييييب  هو عباره عن سكراب مبيض للوجه و للجسم طبعا انا استخدمه بروحه احيانا افرك فيه جسمي يقشر عدل و طريقتي المفضله هي اني اضيف له زيت لوز ملح يوكو اموع كل يوم احط لي نكهة احبها ,,, اعيز اقول كيف جميل احس لازم كل بنوته يكون عندها لاااازم ..

 

بالنسبة للاقداام افضل يكون سكراب قوي حبيباته خشنة و كبيره طبعا اول شي نقعوا رويلاتكم الحلوة بماي حار بس اتحملوا تصلخونها ههههه المهم عقب صنفروها بالمبرد المقشر الخاص بالاقدام ,, بعدين عقب ما يطيح الجلد الميت كله تحطون السكراب و تفركون عدل عشان تنعم و اذا بقى شي من الجلد الميت يروح و تصير الريحه روووعه و عقب تقدرون تحطون ماي ورد او كريم مرطب و انعموا بقدمين ناعمتين ,, هذه كانت طريقتي بعنايتي باقدامي و بعض السكرابات المفضله جدا عندي ,, اتمنى اكون افدتكم حبيباتي و شكرا على متابعتكم و دعمكم لي ...