شخباااركم جميلاتي ؟؟
اليوم يايبتلكم موضوع وااايد تكرر عليه الطلب فالدايركت مسج ف الانستا , و هو موضوع الماسكات , انا تكلمت قبل عن الماسكات الطبيعيه اللي نسويها فالبيت بنفسنا وفقا لنوع و لطبيعة بشرتنا و أيضا مراعاه الأجواء المناخيه اللي تتعرض لها بشرتنا , من وجهة نظري بشرتنا تحتاج دراسه نحن بنفسنا نسويها و لازم نجرب لين نعرف شو اللي يناسبنا و شو اللي فعلا يكون له تاثير على بشرتنا اذا ما جرنا بنفسنا عمرنا ما راح نعرف شو اللي يناسبنا , لا تحطون في بالكم انه مثلا بشرتي دهنيه خلاص ما راح تتغير و لازم اسنخدم كل شي خاص للبشره الدهنيه و ممنوع استخدم أي شي يرطب لا انتبهوا لان بشرتنا تتغير حسب المود و ممكن حسب الجو و ممكن حسب الروتين اليومي و الضغوط اليومية اللي نمر فيها فلازم نساعد بشرتنا عشان تتكيف معنا و نوفر لها افضل عنايه ممكنة , الماسكات لها دور كبير و انا انصح بشدة ان نستخدم ماسك أسبوعيا ضروووري لتخليص البشره من السموم و الدهون و لتنشيط خلاياها و شدها و لاعطاءها نضاره و صفاء و تالق , افضل الماسكات اللي استخدمتها للحين هو ماسك البركان من شركة بيرفكت جمييييييل هو اول ما احطه يحرق الويه و شوي شوي تخف الحرقة اخليه عشر دقايق الى ربع ساعه طبعا اول ما اغسل ويهي اشوفه تنظظظف و يللللمع و تفتح حيل وااايد جميل بس ما ادري اذا يناسب البشره الجافه لاني احسه ينشف شوي منطقة الخدود عندي باعتبار بشرتي مختلطة ولكن انا بعد ما اغسله ارطب الخدود بكريم مرطب , و ثاني ماسك جربته هو ماسك سويته بنفسي و انصح فيه حيل و هو عباره عن زبادي و ملعقة صغيره كركم و نقط ليمون و اخليه على ويهي عشرين دقيقه تقريبا و اغسله احس ان ويهي يصير مراية عجيييب وايد احبه , مناسب لكل البشرات و اذا بشرتج جافه زياده لا تحطين ليمون , و ماسكي الثالث عباره عن عسل فيه ملعقة سكر بني خشن ادهن فيه ويهي و اخليه لين ينشف بعد أيضا يشد البشره و يخليها ناااعمه , تقدرون تدشون النت و تبحثون عن ماسكات متنوعه و تجربون فالبيت و تشوفون شو اللي ناسبكم و تستمرون عليه , حاليا انا قاعده اختبر ماسك الترطيب من سيفورا أيضا مدحوه حيل و قريب راح اوافيكم برفيو عنه ان شاء الله .
أتمنى تكونون استفدوتي جميلاتي .
الله يحفظكم ,, دمتم بود ..
اليوم يايبتلكم موضوع وااايد تكرر عليه الطلب فالدايركت مسج ف الانستا , و هو موضوع الماسكات , انا تكلمت قبل عن الماسكات الطبيعيه اللي نسويها فالبيت بنفسنا وفقا لنوع و لطبيعة بشرتنا و أيضا مراعاه الأجواء المناخيه اللي تتعرض لها بشرتنا , من وجهة نظري بشرتنا تحتاج دراسه نحن بنفسنا نسويها و لازم نجرب لين نعرف شو اللي يناسبنا و شو اللي فعلا يكون له تاثير على بشرتنا اذا ما جرنا بنفسنا عمرنا ما راح نعرف شو اللي يناسبنا , لا تحطون في بالكم انه مثلا بشرتي دهنيه خلاص ما راح تتغير و لازم اسنخدم كل شي خاص للبشره الدهنيه و ممنوع استخدم أي شي يرطب لا انتبهوا لان بشرتنا تتغير حسب المود و ممكن حسب الجو و ممكن حسب الروتين اليومي و الضغوط اليومية اللي نمر فيها فلازم نساعد بشرتنا عشان تتكيف معنا و نوفر لها افضل عنايه ممكنة , الماسكات لها دور كبير و انا انصح بشدة ان نستخدم ماسك أسبوعيا ضروووري لتخليص البشره من السموم و الدهون و لتنشيط خلاياها و شدها و لاعطاءها نضاره و صفاء و تالق , افضل الماسكات اللي استخدمتها للحين هو ماسك البركان من شركة بيرفكت جمييييييل هو اول ما احطه يحرق الويه و شوي شوي تخف الحرقة اخليه عشر دقايق الى ربع ساعه طبعا اول ما اغسل ويهي اشوفه تنظظظف و يللللمع و تفتح حيل وااايد جميل بس ما ادري اذا يناسب البشره الجافه لاني احسه ينشف شوي منطقة الخدود عندي باعتبار بشرتي مختلطة ولكن انا بعد ما اغسله ارطب الخدود بكريم مرطب , و ثاني ماسك جربته هو ماسك سويته بنفسي و انصح فيه حيل و هو عباره عن زبادي و ملعقة صغيره كركم و نقط ليمون و اخليه على ويهي عشرين دقيقه تقريبا و اغسله احس ان ويهي يصير مراية عجيييب وايد احبه , مناسب لكل البشرات و اذا بشرتج جافه زياده لا تحطين ليمون , و ماسكي الثالث عباره عن عسل فيه ملعقة سكر بني خشن ادهن فيه ويهي و اخليه لين ينشف بعد أيضا يشد البشره و يخليها ناااعمه , تقدرون تدشون النت و تبحثون عن ماسكات متنوعه و تجربون فالبيت و تشوفون شو اللي ناسبكم و تستمرون عليه , حاليا انا قاعده اختبر ماسك الترطيب من سيفورا أيضا مدحوه حيل و قريب راح اوافيكم برفيو عنه ان شاء الله .
أتمنى تكونون استفدوتي جميلاتي .
الله يحفظكم ,, دمتم بود ..
بشرتي دهنيه حساسه تحبب بسرعه عشان جي اخاف من الماسكات المنزليه اكتفي بالماسكات المتوفره فالاسواق و الماسك اللي حاطه صورته شفته فالجمعية لكن خفت اجربه خبرينه عنه اكثر و شكرا ع الموضوع الحلوو
ردحذفالله يسلمج حبيبتي الماسكات الطبيعيه المنزلية امنة بعد انتي جربي ماسك الزبادي بالكركم ممتاز جدا خليه لين ينشف على ويهج و عقب غسليه , أي ماسك قصدج ماسك البركان من بيرفكت واااايد زين ممتاز للبشره الدهنيه و يبيض و يخلص المسام من الزيوت اللي فيه انصح فيه بشدة بس انتبهي ترا يحرق شوي بس اول خمس دقايق و عقب بتخف الحرقه تدريجيا
ردحذف, العفو حبيبتي تحت امرج باي وقت
بجرب ماسك البركان و تسلمين
ردحذفالله يسلمج حبيبتي شرفتيني و نورتي المدونة
ردحذف