مرحبا جميلاتي ,,
مساكم الله بالخير ,, قاعدين و الا راقدين ؟؟ هههههه ادري الوقت متأخر بس شو اسوي و الله ما قدرت افضى الا الحين ههههه ,, المهم اليوم يايبتلكم موضوع بسيط و جميل و كلنا وايد نهتم فيه و خاصه انه صاير موضهه هالايام و هو ترتيب الحواجب ,, الناس صايره بس ترتب حواجبها اهم شي و تطلع هههههه مع شوية قلوس او مرطب و لوك و لا اجمل و خاصه للي تهتم ببشرتها و صارت بشرتها ناعمه و صافيه ,, المهم بخبركم طريقتي لترتيب حواجبي لما اتمكيج و شو اللي استخدمه للعنايه فيها ,, اول شي طبعا انا ما انام بدون مما امسح كل شي عى ويهي خاصه بودرة الحواجب او الجل ما تعرفون شكثر هالشي يضر و يطيح الشعر و لازم بعد ما تشلون الميك اب و تحطون كريمكم المناسب تحطون فازلين او زيت ارغان او زيت خروع انا لازم احط واحد من هالثلاث لاااازم قبل لا انام , عشان تتغدى مسامات المنطقة و بصيلات الشعر و يعطي الشعر قوة و لمعان و غلظ , و طبعا انا وحده ما احف شعر حواجبي اكتفي بالتشقير بكريم جولان , و أحيانا لوقت المناسبات اصبغهم بصبغه سودة او بني غامق و اقص الزوايد بمقص او بموس خاص للحواجب و بحذر , طبعا اكثر استعمله لترتيب الحواجب بودرة حواجب من ذي بودي شوب طبعا جربته قبله وااايد و كلهم ممتازين مثل جل و بودرة من ايلف و جل ميبلين البني و أقلام تحديد الحواجب من براندات كثيره بس اللي مخليني احب بودرة ذي بودي شوب هو انها اول شي بودرة و البودرة افضل بواااايد من الجل لان الجل معروف ان استخدامه بكثره يئذي الشعر و يطيحه مع انه وضوحه اكثر , و ثاني شي سبب لاستخدامي لهالبودرة اهو انها ثابته بشكل ممتازة بما انها بودرة فالمعقول انها تطير و تختفي بسرعه بس هذه تجنن ثابته لو اغسل ويهي بماي عادي تظل سعرها 75 درهم و تستاهل كل فلس و علبتها صغيره وايد بس اقتصادية يعني استخدمها يوميا مدة شهرين و اكثر , طبعا انا اول شي شعري غامق فاختار اغمق لون و ارسم فيه خط الحاجب السفلي و اترك البدايه طبعا مب من اول الحاجب يعني و بعدين بالبودرة البنية ارسم الخط العلوي و ابدا اعبي و امزج الخطين مع بعض , بالنسبة لأول الحاجب اكتفي بمسكارا من ايلف خاصه للحواجب أيضا ممتازة و استخدم ساعات جل مثبت للحواجب من اتش اند ام عشان تظل الرسمه ثابته و ما يتحرك الشعر ,و فرشاتي المفضله للحواجب هي من ريل تكنيك ما استغني عنها , و بس حبيباتي هذه كانت طريقتي المتواضعه أتمنى تجربونها و تعجبكم ان شاء الله ..
الله يحفظكم جميلاتي ,, دمتم بود ..
مساكم الله بالخير ,, قاعدين و الا راقدين ؟؟ هههههه ادري الوقت متأخر بس شو اسوي و الله ما قدرت افضى الا الحين ههههه ,, المهم اليوم يايبتلكم موضوع بسيط و جميل و كلنا وايد نهتم فيه و خاصه انه صاير موضهه هالايام و هو ترتيب الحواجب ,, الناس صايره بس ترتب حواجبها اهم شي و تطلع هههههه مع شوية قلوس او مرطب و لوك و لا اجمل و خاصه للي تهتم ببشرتها و صارت بشرتها ناعمه و صافيه ,, المهم بخبركم طريقتي لترتيب حواجبي لما اتمكيج و شو اللي استخدمه للعنايه فيها ,, اول شي طبعا انا ما انام بدون مما امسح كل شي عى ويهي خاصه بودرة الحواجب او الجل ما تعرفون شكثر هالشي يضر و يطيح الشعر و لازم بعد ما تشلون الميك اب و تحطون كريمكم المناسب تحطون فازلين او زيت ارغان او زيت خروع انا لازم احط واحد من هالثلاث لاااازم قبل لا انام , عشان تتغدى مسامات المنطقة و بصيلات الشعر و يعطي الشعر قوة و لمعان و غلظ , و طبعا انا وحده ما احف شعر حواجبي اكتفي بالتشقير بكريم جولان , و أحيانا لوقت المناسبات اصبغهم بصبغه سودة او بني غامق و اقص الزوايد بمقص او بموس خاص للحواجب و بحذر , طبعا اكثر استعمله لترتيب الحواجب بودرة حواجب من ذي بودي شوب طبعا جربته قبله وااايد و كلهم ممتازين مثل جل و بودرة من ايلف و جل ميبلين البني و أقلام تحديد الحواجب من براندات كثيره بس اللي مخليني احب بودرة ذي بودي شوب هو انها اول شي بودرة و البودرة افضل بواااايد من الجل لان الجل معروف ان استخدامه بكثره يئذي الشعر و يطيحه مع انه وضوحه اكثر , و ثاني شي سبب لاستخدامي لهالبودرة اهو انها ثابته بشكل ممتازة بما انها بودرة فالمعقول انها تطير و تختفي بسرعه بس هذه تجنن ثابته لو اغسل ويهي بماي عادي تظل سعرها 75 درهم و تستاهل كل فلس و علبتها صغيره وايد بس اقتصادية يعني استخدمها يوميا مدة شهرين و اكثر , طبعا انا اول شي شعري غامق فاختار اغمق لون و ارسم فيه خط الحاجب السفلي و اترك البدايه طبعا مب من اول الحاجب يعني و بعدين بالبودرة البنية ارسم الخط العلوي و ابدا اعبي و امزج الخطين مع بعض , بالنسبة لأول الحاجب اكتفي بمسكارا من ايلف خاصه للحواجب أيضا ممتازة و استخدم ساعات جل مثبت للحواجب من اتش اند ام عشان تظل الرسمه ثابته و ما يتحرك الشعر ,و فرشاتي المفضله للحواجب هي من ريل تكنيك ما استغني عنها , و بس حبيباتي هذه كانت طريقتي المتواضعه أتمنى تجربونها و تعجبكم ان شاء الله ..
الله يحفظكم جميلاتي ,, دمتم بود ..
ليست هناك تعليقات:
إرسال تعليق