مرحبا جميلاتي ,,
اليوم يبت لكمم موضوع مختلف شوي مو وايد بس تقريبا اول مرة اكتب عنه فالمدونة و راح انزل بوست خفيف فالانستا المح فيه عن هالموضوع , انزين خل ندش فالموضوع على طول ,, وييييه متنحه حدي تصدقون ههههه , المهم اوهوووو شكلي ما راح أتكلم خلاااص ههههههه.
لا لا جد خلاص , محتويات شنطتي , اول شي راح اقولكم ان انا وحده مستحيل استخدم شنطة ميني او كروس باختصار اغراضي وايد ههه اهي صيدليه و اهي شنطة مكياج و اهي أدوات نظافه خبصه حلوة بس احس كلها أشياء ضرورية ما ادري تختلف احتياجاتنا من وحده للثانيه , وحده مراهقه و حده جامعيه وحده توها معرسه وحده توها مربيه وحده اكثر وقتها برع البيت فالدوام مثلا و وحده ما تحب تطلع وايد ممكن وحده مشاويرها قصيره و هكذا , بالنسبة لي انا ف اغراضي هي كالتالي : اول و اهم شي عدة الميكب لازم فشنطتي شنطة صغنونة فيها روجي المفضل (اينجل من ماك) بودرة مضادة للدهون مثل ريميل او بنفت و فرشاة بودرة طبعا اممم و شو بعد اكيد عدة الحواجب و بلشر و كريم مرطب لليد , و غير شنطة المكياج في شنطة ثانيه صغنونة بعد فيها باكيت كلينكس و باكيت مناديل منظفة معقمة مثل ديتول او جونسون و غرشه عطر مفضله و تبون الصدق ما اعلق على نفس العطر وااايد يعني بالكثير اشتريه مرتين او ثلاث مثلا حاليا عطر تيم من اجمل و ربطة شعر مطاطية و مشبك احتياط و علبه علوك اكسترا , ساعه و خاتم و لازم الساعه و الخاتم يكون فيهم لون ذهبي ما ادري شو السالفه بس و الله لو لبست شي سلفر احس ساعتي مو ساعه و لا كاني لابسه خاتم ههههههه , مفاتيحي طبعا سويج سيارتي , نظاره شمسية و بوكين , بوك عود فيه كل بطايقي الضرورية الصحيه و الليسن و البنك وهالسوالف و بوك صغنون فيه بطايق التسوق و كروت الألعاب , شنطة صغيره حق الادوية هذه صيدليتي المتنقلة لازم فيها بروفين و بندول و حبوب الحساسية و ادفل و قطرة مرطبة للعين و بس , شو بعد و الله ودي اشل أشياء ثانيه بس ما تكفي الشنطة خخخخخ , افضل براند شنط احبه و ما استغني عنه (برادا) و شانيل احس مستحيل حياتي تخلى و لو اعلق على هالشنطتين سنة ما امل و افضل الحزام الطويل احسه اشيك او شنطة كتف و سلامتكم ..
خبروني عن شو تحبون نتكلم المرة اليايه ؟؟ و الله طلباتكم عسل على قلبي ..
الله يحفظكمم جميلاتي ,, دمتم بود ..
اليوم يبت لكمم موضوع مختلف شوي مو وايد بس تقريبا اول مرة اكتب عنه فالمدونة و راح انزل بوست خفيف فالانستا المح فيه عن هالموضوع , انزين خل ندش فالموضوع على طول ,, وييييه متنحه حدي تصدقون ههههه , المهم اوهوووو شكلي ما راح أتكلم خلاااص ههههههه.
لا لا جد خلاص , محتويات شنطتي , اول شي راح اقولكم ان انا وحده مستحيل استخدم شنطة ميني او كروس باختصار اغراضي وايد ههه اهي صيدليه و اهي شنطة مكياج و اهي أدوات نظافه خبصه حلوة بس احس كلها أشياء ضرورية ما ادري تختلف احتياجاتنا من وحده للثانيه , وحده مراهقه و حده جامعيه وحده توها معرسه وحده توها مربيه وحده اكثر وقتها برع البيت فالدوام مثلا و وحده ما تحب تطلع وايد ممكن وحده مشاويرها قصيره و هكذا , بالنسبة لي انا ف اغراضي هي كالتالي : اول و اهم شي عدة الميكب لازم فشنطتي شنطة صغنونة فيها روجي المفضل (اينجل من ماك) بودرة مضادة للدهون مثل ريميل او بنفت و فرشاة بودرة طبعا اممم و شو بعد اكيد عدة الحواجب و بلشر و كريم مرطب لليد , و غير شنطة المكياج في شنطة ثانيه صغنونة بعد فيها باكيت كلينكس و باكيت مناديل منظفة معقمة مثل ديتول او جونسون و غرشه عطر مفضله و تبون الصدق ما اعلق على نفس العطر وااايد يعني بالكثير اشتريه مرتين او ثلاث مثلا حاليا عطر تيم من اجمل و ربطة شعر مطاطية و مشبك احتياط و علبه علوك اكسترا , ساعه و خاتم و لازم الساعه و الخاتم يكون فيهم لون ذهبي ما ادري شو السالفه بس و الله لو لبست شي سلفر احس ساعتي مو ساعه و لا كاني لابسه خاتم ههههههه , مفاتيحي طبعا سويج سيارتي , نظاره شمسية و بوكين , بوك عود فيه كل بطايقي الضرورية الصحيه و الليسن و البنك وهالسوالف و بوك صغنون فيه بطايق التسوق و كروت الألعاب , شنطة صغيره حق الادوية هذه صيدليتي المتنقلة لازم فيها بروفين و بندول و حبوب الحساسية و ادفل و قطرة مرطبة للعين و بس , شو بعد و الله ودي اشل أشياء ثانيه بس ما تكفي الشنطة خخخخخ , افضل براند شنط احبه و ما استغني عنه (برادا) و شانيل احس مستحيل حياتي تخلى و لو اعلق على هالشنطتين سنة ما امل و افضل الحزام الطويل احسه اشيك او شنطة كتف و سلامتكم ..
خبروني عن شو تحبون نتكلم المرة اليايه ؟؟ و الله طلباتكم عسل على قلبي ..
الله يحفظكمم جميلاتي ,, دمتم بود ..
ليست هناك تعليقات:
إرسال تعليق