الارواج

مساء الخير جميلاتي ,, 
اليوم راح نتكلم ان شاء الله عن الارواج ,, احلى شي ,, شي مستحيل الوحده تستغني عنه لما تحط ميك اب ,, انا شخصيا ما يمر علي يوم من دون ما احط روج خخخخ طبعا هالشي يضر الشفايف على حسب ممكن ينشفها اوا ذا ما اعتنينا فيها بشكل صحيح و اذا استخدمنا ارواج مات وايد تنشف الشفايف .
الجلد اللي يغطي شفايفنا حساس و رقيق و مجرد ما ينشف كم ساعه راح يتقشر و يطيح , اهم شي تسوون انكم تخصصون سكراب ناعم حق الشفايف يوميا قبل النوم و عقب ما تخلصون تحطون مرطب مناسب لها , بالنسبة للروج يفضل تبتعدون عن الارواج اللي تكون وااايد مات و جافه و الووتر بروف .
بعض الارواج تحتاج محددات شفايف عشان يظهر اللون بوضوح و بطريقه جميله و في ارواج ما تحتاج يكون اللون قوي و واضح و ثابت , الحين في طريقه جديد او خل نقول صارت موضه كثير دارجه و هي امبري ليبس : تحطين اي لون واضح و ممكن غامج على كل الشفايف و في النص اتحطين لون افتح او بيج او وردي فاتح , جرب هالطريقه وااايد حبيتها و حاليا مدمنتها ههههه جربوها راح تحبونها ,, ارواجي المفضله هي من : ماك , ميبلين , مكياجي كواكشن 22 ك و كولكشن ميكس , حتى ارواج صبايا حلوة ناعمه و طبيعيه الوانها , فور ايفر 52 , بورجوا الفلفت اديشن روووعه قلوس يقلب مات لا تفوتون اي لون كلهم رووووعه , ارواج نيكس كلهم حلوين بصراحه , في بنات يقولون بعض الارواج تباها تكون مات او تثبت اكثر شو الحل ؟؟ انا مجربه طريقه بصراحه و ضبطت معاي احط شوي من البودرة المضغوطة على شفايفي اذا ابا الروج يثبت مدة اطول او احوله لمات طبعا باستخدام اسفنجه البودرة نفسها بطبطة خفيفه , و في مشكله ثانيه ,, ان الروج ما يكون واضح ممكن باستخدام المحدد يوضح او ممكن تمشين فرشاه الفاونديشن على شفايفج عشان توحدين اللون و الحين قاموا يسوون برايمرات خاصه للشفايف , ممكن تحصلونه فمحلات المكياج المعروفه .
الله يحفظكم جميلاتي ,, دمتم بود ..