مرحبا جميلاتي ,,
اليوم ان شاء الله حابه أتكلم عن موضوع وايد مهم بالنسبة للبعض و بسيط بنفس الوقت يغنيج عن الصالونات و مذلتها ,, طبعا اللي مسوية ليزر ما راح تستفيد و أتمنى انكم تكتبن تجربتكم عنه ,, عشان البنات اللي يفكرون يسوون يستفيدون منها ,, المهم طبعا انا وحدة ما سويت ليزر بويهي للحين و خايفه و مترددة !! يقولون انه يزيد الشعر و يغلظه و غيره ,, المهم انا طبعا حالي من حالكم كنت وااايد اروح الصالون عشان احف الشنب هههههه طبعا ما اشل شعر ويهي اكتفي بشقيره و الحواجب كذلك بس الشنب مصيبه لازم حف ,, و بعد فترة سمعت عن جهاز الفتله الوردي اللي يشبه الفراشه بحط لكم صورته تحت ان شاء الله ,, و حبيته وايد سهل و رخيص و مريح ممتاز و عملي بس مشكلته بسرعه يخرب و لازم تاخذين غيره و يوم من الأيام قررت اني استغني عنه خلاص ما احب انذل حق شي بسوي بروحي ما أبا اعتمد على شي معين بعتمد على نفسي و بتعلم يعني اللي يعرفون مب احسن مني !! دايما خلي عندج هالطاقه و هالروح ف حب التعلم و خصوصا شي يغنيج عن حاجة شي او احد خلج مستقله بذاته ما تتوهقين مهما كانت المشكله و تدبرين روحج بروحج و ما ينخاف عليج ,, دشيت اليوتيوب ك عادتي و قلت لازم اتعلم احف بالخيط بروحي و الحمدلله بعد كم محاولة تعلمت و افتكيت في شغله بنات احب انوه عليها من خلال تجربتي يعني ,, و اللي هي نوعيه الخيط و كيف انا احف و كم مرة ,, افضل يكون الخيط رفيع تلقونه فمحلات بيع أدوات التجميل لان الرفيع يشل اصغر الشعر ما يخلي شي , و عودوا اعماركم انكم تشلون أسبوعيا مثلا كل خميس او جمعه عشان كل ما كانت كمية الشعر خفيفه و قليله راح تكون النتايج افضل ,, و لا تنسون تحطون بودرة فبل الحف عشان تسلك المنطقة و بعد الحف يفضل تمسحين على المنطقة بقطعة قطن فيها ماي ورد و تجنوبا تلامسون المنطقة بعطر او كريم عطري يوم واحد بس و عقب عادي ,, موضوعي صغير للأسف لضيق وقتي و لكن اوعدكم ان شاء الله بمواضيع مفصله اكثر بس يا ريت اللي فخاطرها شي تكتب لي كومنت تحت و انا حاضره و بالشوفة جميلاتي ..
الله يحفظكم جميلاتي .. دمتم بوود ..
اليوم ان شاء الله حابه أتكلم عن موضوع وايد مهم بالنسبة للبعض و بسيط بنفس الوقت يغنيج عن الصالونات و مذلتها ,, طبعا اللي مسوية ليزر ما راح تستفيد و أتمنى انكم تكتبن تجربتكم عنه ,, عشان البنات اللي يفكرون يسوون يستفيدون منها ,, المهم طبعا انا وحدة ما سويت ليزر بويهي للحين و خايفه و مترددة !! يقولون انه يزيد الشعر و يغلظه و غيره ,, المهم انا طبعا حالي من حالكم كنت وااايد اروح الصالون عشان احف الشنب هههههه طبعا ما اشل شعر ويهي اكتفي بشقيره و الحواجب كذلك بس الشنب مصيبه لازم حف ,, و بعد فترة سمعت عن جهاز الفتله الوردي اللي يشبه الفراشه بحط لكم صورته تحت ان شاء الله ,, و حبيته وايد سهل و رخيص و مريح ممتاز و عملي بس مشكلته بسرعه يخرب و لازم تاخذين غيره و يوم من الأيام قررت اني استغني عنه خلاص ما احب انذل حق شي بسوي بروحي ما أبا اعتمد على شي معين بعتمد على نفسي و بتعلم يعني اللي يعرفون مب احسن مني !! دايما خلي عندج هالطاقه و هالروح ف حب التعلم و خصوصا شي يغنيج عن حاجة شي او احد خلج مستقله بذاته ما تتوهقين مهما كانت المشكله و تدبرين روحج بروحج و ما ينخاف عليج ,, دشيت اليوتيوب ك عادتي و قلت لازم اتعلم احف بالخيط بروحي و الحمدلله بعد كم محاولة تعلمت و افتكيت في شغله بنات احب انوه عليها من خلال تجربتي يعني ,, و اللي هي نوعيه الخيط و كيف انا احف و كم مرة ,, افضل يكون الخيط رفيع تلقونه فمحلات بيع أدوات التجميل لان الرفيع يشل اصغر الشعر ما يخلي شي , و عودوا اعماركم انكم تشلون أسبوعيا مثلا كل خميس او جمعه عشان كل ما كانت كمية الشعر خفيفه و قليله راح تكون النتايج افضل ,, و لا تنسون تحطون بودرة فبل الحف عشان تسلك المنطقة و بعد الحف يفضل تمسحين على المنطقة بقطعة قطن فيها ماي ورد و تجنوبا تلامسون المنطقة بعطر او كريم عطري يوم واحد بس و عقب عادي ,, موضوعي صغير للأسف لضيق وقتي و لكن اوعدكم ان شاء الله بمواضيع مفصله اكثر بس يا ريت اللي فخاطرها شي تكتب لي كومنت تحت و انا حاضره و بالشوفة جميلاتي ..
الله يحفظكم جميلاتي .. دمتم بوود ..
عقبال ما استغني عن هالاله :)
ردحذف