صباح الخير جميلاتي ,,
اليوم حابه أتكلم عن موضوع جدا بسيط و بالنسبة لي جديد نوعا ما يعني تقريبا صارلي سنة من بديت استخدم هالشي الجميل ,, مثل ما هو مكتوب فعنوان المدونة هذه اليوم راح أتكلم عن تجربتي مع البيوتي بلندر ,, اول شي بقولكم و بامانه ان انا شخصيا ا استخدمت غير نوع واحد فقط و في صدد اني اجرب أنواع أخرى , بس اللي خلاني اظل على هالنوع اني وايد شفت نتيجه ممتازة و حبيت البلندر و صارت من مفضلاتي بس قولوا يعني من اول ما شفتها قلت : انتي وينج عني ؟؟؟ صج صج احسها سحر رووووعه كيف تدمج الفاونديشن و خاصه الكونسيلر يا ربي عذاب عذاب تخلي الكونسيلر كانه من البشره قطعه وحده عجيبه , البلندر الي استخدمها هي من ريل تكنيك فظييييعه عجييييبه ممتازة ما ادري شو أقول !! خذتها من سنتر بوينت ب 70 درهم اعتقد بهالحدود , بعد ما ابللها بالماي طبعا يزيد حجمها شوي و اتريا خمس دقايق تقريبا و ابدا ادمج فيها الفاونديشن طبعا بعد ما أكون وزعته بفرشاه على ويهي هالبلندر تعطي الويه نضاره و صفاء طبيعي ,, استخدمتها لدمج الكونسيلر أيضا و انبهرت حدييل حييل , و بعد استخدمتها لدمج الكونتور و توزيع اللوز باودر واااااو ..
لها طرف مثلث لمنطقة تحت العين للكونسيلر و الاضاءه ممكن و لتوزيع البودرة الحره ( اللوز) و طرف ثاني مسطح ممتاز لتوزيع أي كريم , راح انزل لكم صورتها باخر البلوق ..
طبعا تحتاج غسيل بعد كل استخدام لااازم لانها راح تظل مبلله و تتيمع فيها جراثيم تضر ويهكم ,, اغسلها بصابون صلب يفضل ديتول او لايف بوي ,, بعدين اعصرها و أحاول انزل كل الماي اللي فيها و عقب احفظها فبوكس صغير شفاف و في فتحات للتهويه و عشان تنشف احطها قريبه من ضو الشمس مب تحت الشمس مباشره بس قريب يعني ,, يفضل ما تستخدمونها اكثر من اربع أسابيع ,, افضل انكم تخصصون حبتين لكل شهر .
مثل ما قلت لكم اني في صدد تجربه غيرها ان شاء الله مدحولي بيوتي بلندر انجلوت و بجربها قريب و اكيد جميلاتي راح احط رفيو عنها باذن الله ,, ما بطول عليكم أتمنى من كل قلبي انكم استفدتوا من موضوع اليوم ..
الله يحفظكم جميلاتي ,, دمتم بوود ..
اليوم حابه أتكلم عن موضوع جدا بسيط و بالنسبة لي جديد نوعا ما يعني تقريبا صارلي سنة من بديت استخدم هالشي الجميل ,, مثل ما هو مكتوب فعنوان المدونة هذه اليوم راح أتكلم عن تجربتي مع البيوتي بلندر ,, اول شي بقولكم و بامانه ان انا شخصيا ا استخدمت غير نوع واحد فقط و في صدد اني اجرب أنواع أخرى , بس اللي خلاني اظل على هالنوع اني وايد شفت نتيجه ممتازة و حبيت البلندر و صارت من مفضلاتي بس قولوا يعني من اول ما شفتها قلت : انتي وينج عني ؟؟؟ صج صج احسها سحر رووووعه كيف تدمج الفاونديشن و خاصه الكونسيلر يا ربي عذاب عذاب تخلي الكونسيلر كانه من البشره قطعه وحده عجيبه , البلندر الي استخدمها هي من ريل تكنيك فظييييعه عجييييبه ممتازة ما ادري شو أقول !! خذتها من سنتر بوينت ب 70 درهم اعتقد بهالحدود , بعد ما ابللها بالماي طبعا يزيد حجمها شوي و اتريا خمس دقايق تقريبا و ابدا ادمج فيها الفاونديشن طبعا بعد ما أكون وزعته بفرشاه على ويهي هالبلندر تعطي الويه نضاره و صفاء طبيعي ,, استخدمتها لدمج الكونسيلر أيضا و انبهرت حدييل حييل , و بعد استخدمتها لدمج الكونتور و توزيع اللوز باودر واااااو ..
لها طرف مثلث لمنطقة تحت العين للكونسيلر و الاضاءه ممكن و لتوزيع البودرة الحره ( اللوز) و طرف ثاني مسطح ممتاز لتوزيع أي كريم , راح انزل لكم صورتها باخر البلوق ..
طبعا تحتاج غسيل بعد كل استخدام لااازم لانها راح تظل مبلله و تتيمع فيها جراثيم تضر ويهكم ,, اغسلها بصابون صلب يفضل ديتول او لايف بوي ,, بعدين اعصرها و أحاول انزل كل الماي اللي فيها و عقب احفظها فبوكس صغير شفاف و في فتحات للتهويه و عشان تنشف احطها قريبه من ضو الشمس مب تحت الشمس مباشره بس قريب يعني ,, يفضل ما تستخدمونها اكثر من اربع أسابيع ,, افضل انكم تخصصون حبتين لكل شهر .
مثل ما قلت لكم اني في صدد تجربه غيرها ان شاء الله مدحولي بيوتي بلندر انجلوت و بجربها قريب و اكيد جميلاتي راح احط رفيو عنها باذن الله ,, ما بطول عليكم أتمنى من كل قلبي انكم استفدتوا من موضوع اليوم ..
الله يحفظكم جميلاتي ,, دمتم بوود ..
ليست هناك تعليقات:
إرسال تعليق