مرحبا جميلاتي ,,
اليوم ان اء الله حابه أتكلم عن موضوع خفيف و بسيط ان شاء الله و هو مثل ما كتبت فالعنوان ( صابون الجسم ) طبعا كلنا ناخذ شور يوميا ,, كلنا يوميا نتعرض للماي و الصابون و كل وحده منا بشرتها تختلف عن الثانيه ,, بعضنا ما يستفيد من الصابون و بعضنا يضره الصابون و بعضنا للحين ما يعرف الطريقة الصحيح لاستخدامه و انواعه و اوقاته ,, خلوني اقولكم اول شي ان الصابون هو البدايةهو اول خطوة صحية سليمة ممكن اذا كان المناسب استغنيتي عن أي كريم او أي لوشن ثاني سواء للترطيب او لتقليل نسبة الدهون و غيره من مشاكل البشره الكثيره .
اول شي أنواع الصابون : في صابون عادي معطر , معقم لايف بوي و ديتول و غيره , في صابون مرطب , دوف و اللي بالحليب و بالخيار و غيره , و في صابون ينشف مثل صابون العسل , في صابون لتنظيف الجلد من بقاياه الميتة و القشور مثل الصابون المغربي , و في صابون لتقليل نسبة الحبوب فالجسم و معالجتها و معالجة اثارها مثل الصابون الافريقي الأسود .
شوفي شو مشكلتج الكبيره و اللي تحتاج حل اول و استخدمي الصابون المناسب لها ممكن ما تستخدمين صابونه وحدة طول الأسبوع مثلا الصابون الافريقي و المغربي و صابون العسل يفضل مرة الى مرتين أسبوعيا فقط , خصصي لنفسج يوم فالاسبوع يكون للعنايه بجسمج , بشعرج , ببشره ويهج , باظافرج و غيرها يعني يوم الدلع العالمي ههههه تستاهلين طبعا ..
ثاني شي و هو طريقة استخدامنا للصابون : الصابون العادي يحتاج ليفة عادية , الصابون المغربي يفضل ان نستخدم معاه ليفة مغربيه خاصه عشان تكون النتيجة افضل و هذه تلقونها فالجمعيات أحيانا تكون متوفرةه مع الصابون نفسه , ممكن مع صابون العسل تستخدمين ليفة تكون من الياف طبيعيه تشبه الخيشه شوي هذه متوفرة في ذي بودي شوب ممتازة لإزالة رواسب الدهن من المسام شخصيا مجربتها , و في الليفة الطبيعيه من البحر هذه أيضا ممتازة متوفرة بالجمعيات أيضا , و لازم بعد يكون عندج فرشاه مناسبة للظهر , انصحكم دايما ما تستخدمون فرشاه شعيراتها تكون بلاستك لانها راح تجرح و ما منها فايده افضل انكم تستخدمون فرشاه تكون شعيراتها عباره عن الياف خشنة نوعا ما .
ثالث شي في الصابون الجسم هو : اختاروا الوقت المناسب يا بنات هذه نقطة مهمه , ترا مع تغير فصول السنة و جونا بشرتنا تتغير يعني في بنات يقولون هالصابونه وايد نفعتني و عقب فجاة ما ادري كرهتها ؟؟ طبعا صابون الشتا يختلف عن صابون الصيف في بنات يمكن يستغربون و يمكن هالشي ما ياثر زياده معاهم بس في بشرات حساسه انا وحده منهم .
هذه كانت نصايح من خلاصة تجربتي الشخصية ,, ممكن وحدة ما يناسبها اللي أقوله عادي طبيعي جدا كلنا مختلفين و كل وحدة لها طريقتها و هذا اللي يميزنا دووم ..
الله يحفظكم جميلاتي,, دمتم بود ..
اليوم ان اء الله حابه أتكلم عن موضوع خفيف و بسيط ان شاء الله و هو مثل ما كتبت فالعنوان ( صابون الجسم ) طبعا كلنا ناخذ شور يوميا ,, كلنا يوميا نتعرض للماي و الصابون و كل وحده منا بشرتها تختلف عن الثانيه ,, بعضنا ما يستفيد من الصابون و بعضنا يضره الصابون و بعضنا للحين ما يعرف الطريقة الصحيح لاستخدامه و انواعه و اوقاته ,, خلوني اقولكم اول شي ان الصابون هو البدايةهو اول خطوة صحية سليمة ممكن اذا كان المناسب استغنيتي عن أي كريم او أي لوشن ثاني سواء للترطيب او لتقليل نسبة الدهون و غيره من مشاكل البشره الكثيره .
اول شي أنواع الصابون : في صابون عادي معطر , معقم لايف بوي و ديتول و غيره , في صابون مرطب , دوف و اللي بالحليب و بالخيار و غيره , و في صابون ينشف مثل صابون العسل , في صابون لتنظيف الجلد من بقاياه الميتة و القشور مثل الصابون المغربي , و في صابون لتقليل نسبة الحبوب فالجسم و معالجتها و معالجة اثارها مثل الصابون الافريقي الأسود .
شوفي شو مشكلتج الكبيره و اللي تحتاج حل اول و استخدمي الصابون المناسب لها ممكن ما تستخدمين صابونه وحدة طول الأسبوع مثلا الصابون الافريقي و المغربي و صابون العسل يفضل مرة الى مرتين أسبوعيا فقط , خصصي لنفسج يوم فالاسبوع يكون للعنايه بجسمج , بشعرج , ببشره ويهج , باظافرج و غيرها يعني يوم الدلع العالمي ههههه تستاهلين طبعا ..
ثاني شي و هو طريقة استخدامنا للصابون : الصابون العادي يحتاج ليفة عادية , الصابون المغربي يفضل ان نستخدم معاه ليفة مغربيه خاصه عشان تكون النتيجة افضل و هذه تلقونها فالجمعيات أحيانا تكون متوفرةه مع الصابون نفسه , ممكن مع صابون العسل تستخدمين ليفة تكون من الياف طبيعيه تشبه الخيشه شوي هذه متوفرة في ذي بودي شوب ممتازة لإزالة رواسب الدهن من المسام شخصيا مجربتها , و في الليفة الطبيعيه من البحر هذه أيضا ممتازة متوفرة بالجمعيات أيضا , و لازم بعد يكون عندج فرشاه مناسبة للظهر , انصحكم دايما ما تستخدمون فرشاه شعيراتها تكون بلاستك لانها راح تجرح و ما منها فايده افضل انكم تستخدمون فرشاه تكون شعيراتها عباره عن الياف خشنة نوعا ما .
ثالث شي في الصابون الجسم هو : اختاروا الوقت المناسب يا بنات هذه نقطة مهمه , ترا مع تغير فصول السنة و جونا بشرتنا تتغير يعني في بنات يقولون هالصابونه وايد نفعتني و عقب فجاة ما ادري كرهتها ؟؟ طبعا صابون الشتا يختلف عن صابون الصيف في بنات يمكن يستغربون و يمكن هالشي ما ياثر زياده معاهم بس في بشرات حساسه انا وحده منهم .
هذه كانت نصايح من خلاصة تجربتي الشخصية ,, ممكن وحدة ما يناسبها اللي أقوله عادي طبيعي جدا كلنا مختلفين و كل وحدة لها طريقتها و هذا اللي يميزنا دووم ..
الله يحفظكم جميلاتي,, دمتم بود ..
ليست هناك تعليقات:
إرسال تعليق