العنايه بعلامات تمدد الجلد

مرحبا جميلاتي ,, اليوم راح اتكلم ان شاء الله عن موضوع وااايد يزعجنا نحن البنات ,, طبعا كل وحدة فينا تتمنى تلبس اللبس الي تبيه و بالطريقه اللي تعجبها متى ما بغت ,, للاسف في بعض الشغلات اللي تخرب علينا فرحتنا و وناستنا او ممكن تزرع عدم الثقه فاالنفس مثل وجود علامات بالجلد ,, تحديدا اليوم راح اتكلم عن موضوع علامات تمدد الجلد المزعجه جدا ,, طبعا اول شي هالعلامات ما تظر بسبب نفسيه او اكل معين او غيره , من اسمها هي تنتج بسبب زياده او فقدان فالوزن ,, المفاجئ اللي بدون رياضه ,, و الحل ؟؟؟؟ نظل بس جذيه و نجرب كريمات و الا شو بالضبط؟؟ اول شي و اهم شي اقوله دايما و بكرره على طووووول السكراب و مرطب الجسم اهم شي فالحياه ,, يعني حاولي ما تاخذين شور بدون ما تسوين هالشيئين ,, هيه كل يوم راح يصير روتين يومي و عشان ما تتمللين خذي نكهات متنوعه و دلعي روحج ,, خذي الموضوع من باب حقج على نفسج و وقت راحتج و استجمامج و وقت دلع حق عمرج و حسسي عمرج انه من الانووووثه لااااازم هالكلام حق البنات اللي يقولون ملل كل يوم نسوي نسوي هههههههههه ,, المهم اذا كنتي تعرفين انه راح يزيد وزنج او يقل حاولي تستخدمين كريم مرطب معالج لعلامات التمدد حتى قبل ظهورها يعني البنات اللي يحملون ينصحونهم يدهنون اجسامهم بكريمات تحمي الجلد و تساعده يتمدد بدون لا يترك اثار كبيره ,, و اذا ما كنتي تعرفين شو تسوين ؟؟ مثل ما قلت لازم ما يخلو الباث من مساج بالسكراب للجيم كله اختاروا سكراب تكون حبيباته متوسطة او ناعمه خاصه الاماكن اللي فيها العلامات افركوها عدل ,, و عقب الصابون المغربي ,, تعرفون شو يسوي ؟؟ الله يسلمكم هذا الصابون ما راح تشوفون نتيجته الا اذا استمريتوا عليه يخلي الجلد الميت من البشره يطيح و يللللللمع لمع الجسم و تصير بشرتج بيبي سكن ,, طبعا لازم تتفركين بالليفه المغربيه و بعد ما تخلصون شطفوا و حطوا اي شور جيل تحبونه لان ريحة الصابون مو ذاك الزود ,, المهم عقب رطبوا اجسامكم بكريم مرطب بنصحكم يكون الكريم فيه زبدة الشيا فظيييعه للترطيب ,, لعلامات التمدد انا انصح بكريم بالمرز بششدة و الله يا بنات اذا استمريتوا بالسكراب و الصابون المغربي وكريم بالمرز شهرين راح تقولون لي مرايم راحت العلامات و بتستانسووووون ..

بحط لكم صور تحت اتمنى تكونون استفدتوا ,, الله يحفظكم دمتم بود حبيباتي

 ...