مرحبا جميلاتي ,,
اليوم موضوعنا جميل حيل حيل و انا وحده ادمنته هههه راح اشرح لكم اليوم كيف اكبر شفايفي باستخدام قلم محدد للشفايف و روج و قلوس و هايلايت و شوية كونتور ..
الخطوة الأولى و المهمه طبعا لازم تكون شفايفج رطبة و ناااعمه و غير متشققه مثل ما شرحت قبل فمدونات سابقه عن طريقة عنايتي بشفايفي راجعوها عقب , اول شي راح نحط مرطب خفيف جدا على الشفاه عشان ما تنشف و عشان يرسم القلم عدل , انا استخدم مرطب بالمرز و ايوس و ميبلين هذيل التوب ثري عندي جد شهادتي فيهم مجرووحه , الخطوة الثانيه الكونتور انا احب احدد المنطقة اللي ابيها تبرز فويهي بكونتور كريمي و عقب بعد ما ادمجه و اثبته ببودرتي احط كونتور باودر طبعا انا بس احط على الشفه تحت الخشم مباشره عشان ابرز هالمنطقة اللي مبينهم و عشان يبين المكان طويل شوي و بنفس الوقت راح يعطي منظر يبرز الشفه لفوق , و احط كونتور بطريقة خطوط متفرقة على شفاتي السفليه و بقلم ابيض او روج فاتح جدا اظلل المنطقة اللي فالنص بالضبط من الشفاتين ,الخطوة الثالثه احط قلم محدد مناسب اذا كانت شفايفج وايد صغيره حاولي تطلعين شوي منها و تكبيرين بس بشكل متساوي و يفضل تكون الشفه اللي تحت اكبر بشوي من اللي فوق طبعا , الخطوة الرابعه احط الروج و ادمجه عدل مع المحدد بحيث ما يبين الخط ممكن استخدم فرشاة خاصه لتعبئه الشفاه بالروج و يفضل تكون صغيره و ناعمه و دقيقع نوعا ما عشان تساعدج لرسم و تعبئة صحيحين , الخطوة الرابعه الحط قلوس مناسب للون اللي استخدمته دايما القلوس يعطي حجم اكبر للشفايف , الخطوة الخامسة احط هايلايت بمقدمة الشفة العلوية لعطي بروز و حجم اكبر , الخطوة السادسة و الاخيره احدد الشفايف بكونسيلر مناسب و بفرشاه دقيقه عشان تكون المنطقة ممتلئة و منورة بنفس الوقت ..
أتمنى تكونون استفدتوا من طريقتي جميلاتي و جربوها و خبروني رايكم ..
الله يحفظكم جميلاتي ,, دمتم بوود ..
اليوم موضوعنا جميل حيل حيل و انا وحده ادمنته هههه راح اشرح لكم اليوم كيف اكبر شفايفي باستخدام قلم محدد للشفايف و روج و قلوس و هايلايت و شوية كونتور ..
الخطوة الأولى و المهمه طبعا لازم تكون شفايفج رطبة و ناااعمه و غير متشققه مثل ما شرحت قبل فمدونات سابقه عن طريقة عنايتي بشفايفي راجعوها عقب , اول شي راح نحط مرطب خفيف جدا على الشفاه عشان ما تنشف و عشان يرسم القلم عدل , انا استخدم مرطب بالمرز و ايوس و ميبلين هذيل التوب ثري عندي جد شهادتي فيهم مجرووحه , الخطوة الثانيه الكونتور انا احب احدد المنطقة اللي ابيها تبرز فويهي بكونتور كريمي و عقب بعد ما ادمجه و اثبته ببودرتي احط كونتور باودر طبعا انا بس احط على الشفه تحت الخشم مباشره عشان ابرز هالمنطقة اللي مبينهم و عشان يبين المكان طويل شوي و بنفس الوقت راح يعطي منظر يبرز الشفه لفوق , و احط كونتور بطريقة خطوط متفرقة على شفاتي السفليه و بقلم ابيض او روج فاتح جدا اظلل المنطقة اللي فالنص بالضبط من الشفاتين ,الخطوة الثالثه احط قلم محدد مناسب اذا كانت شفايفج وايد صغيره حاولي تطلعين شوي منها و تكبيرين بس بشكل متساوي و يفضل تكون الشفه اللي تحت اكبر بشوي من اللي فوق طبعا , الخطوة الرابعه احط الروج و ادمجه عدل مع المحدد بحيث ما يبين الخط ممكن استخدم فرشاة خاصه لتعبئه الشفاه بالروج و يفضل تكون صغيره و ناعمه و دقيقع نوعا ما عشان تساعدج لرسم و تعبئة صحيحين , الخطوة الرابعه الحط قلوس مناسب للون اللي استخدمته دايما القلوس يعطي حجم اكبر للشفايف , الخطوة الخامسة احط هايلايت بمقدمة الشفة العلوية لعطي بروز و حجم اكبر , الخطوة السادسة و الاخيره احدد الشفايف بكونسيلر مناسب و بفرشاه دقيقه عشان تكون المنطقة ممتلئة و منورة بنفس الوقت ..
أتمنى تكونون استفدتوا من طريقتي جميلاتي و جربوها و خبروني رايكم ..
الله يحفظكم جميلاتي ,, دمتم بوود ..
ليست هناك تعليقات:
إرسال تعليق